V ö r j o h r s t i e t
Hüüt stråhlt de Welt ut blanke Ogen,
de Sünn lacht hell un klåår un warm;
allöverall is Glück un Fraeden,
as weer de Welt åhn Striet un Larm.
Wat weiht de Luft so week un lau,
wat steiht de Haewen hüüt so blau !
Hüüt is de Welt vull Lust un Lachen,
en Leed klingt ut´n Kastangelboom;
düt is keen Dag to´n Trübsål blåsen,
nu lååt man Sorg un Plågen roh´n.
Smuck ståht de Bööm in´t junge Gröön,
wat singt de Vågels hüüt so schöön !
Dat gröönt un blöht an alle Ecken,
nu hett de Welt en Festkleed an;
´keen hüüt en muulsch Gesicht deiht måken,
dor is miendååg keen Hölp mehr an.
So´n Dag, de mååkt uns´ Seel heel rein,
wat rüükt de gael Raps hüüt so fein !
Hans Hansen, Palmus 1901 bet 1989 - in Europlatt överdrågen vun Peter Kollund, Rosendåhl 1997
Besöken Se doch ok mål dat smucke Arboretum bi Ellerhoop neeg bi Elmshorn-Tornesch oder virtuell: www.arboretum-ellerhoop.de/