Twee Königskinner
.
Dor weren twee Königskinner,
de harrn eenanner so leef;
bi´nanner kunn´ se nich kåmen !
Dat Wåter weer vael to deep.
.
"Leef Harde, kannst du swömmen,
leef Harde, so swömm to mi.
Ik will di en Lücht opstaeken
in See, to lüchten för di."
.
Do weer ok en falsche Nonne,
de sleek sik heel sacht nå de Staed
un daeh em de Lücht utpusten:
de Königssöhn bleef in See.
.
"Åch Fischer, mien gode Fischer,
wullt du verdenen groten Lohn,
so smiet du dien Netten to Wåter
un fisch mi de´n Königssöhn !"
.
He smeet sien Netten to Wåter;
de Lööd, de sacken to Grund.
He fisch un fischte lang;
de Königssöhn weer sien Fund.
.
Se nehm em in ehr Arms;
dat Hart daeh ehr so weh.
Se sprung mit em in´e Wellen - -
"Leef Våder, leef Moder, ade !"
ole Volksleed vun Fiede Kay, 1941 bet 2005 - in Europlatt överdrågen vun Peter Kollund, Rosendåhl 1996